Татарстан дулкынында (11.07.24)

Кем ул бүген татар кешесе? Аның яшәү рәвеше, принциплары нидән гыйбарәт? Киләчәктә оныклары белән үз ана телендә сөйләшә алсын өчен ул нишләргә тиеш?

Миңа калса, бүгенге тапшыруны тыңлагач, сез, хөрмәтле радиотыңлаучылар, менә шушы сорауларга җавап таба алачаксыз, чөнки без чын татар җанлы гаиләдә кунакта. Резидә һәм Данил Ганиевлар Яр Чаллы шәһәренә терәлеп торган Шилнә авылында үз хуҗалыклары белән гомер итәләр. Аларның икесенең дә нәсел тамырлары Азнакай төбәгенә барып тоташа. Ә менә Резидә Әсхәт кызы өчен Яр Чаллы шәһәре – туып-үскән, балачагы, яшьлеге үткән кала буларак кадерле. Аны шәһәр һәм бу як халкы арасында белмәүчеләр сирәк, чөнки Резидә ханым озак еллар Чаллы телевидениесендә алып баручы, журналист булып эшли. Татар телен камил белүе аңа югалып калмаска, тормышта үз урынын табарга ярдәм итә. Хәзер инде кызлары Таңсылуны да шул юнәлештә тәрбиялиләр. Юл озынлыгы, вакыт тарлыгына сылтау тапмыйча, кызларын Яр Чаллы шәһәрендәге Мулланур Вахитов исемендәге 2 нче татар гимназиясенә йөртеп укыталар. Резидә ханым үзе дә кайчандыр әлеге мәктәпне тәмамлаган булган. Бу хакта без аларның үзләре белән тәфсилләбрәк сөйләшербез.

Нашли опечатку? Выделите фрагмент и отправьте нажатием Ctrl+Enter