Татарстан дулкынында (22.05.24)

Май ае да тәмамланып килә. Димәк, кемнәрдер кулына чәчәк бәйләме тотып, соңгы кыңгырау бәйрәменә барачак. Алда олы тормыш, төрле тарафларга җәелгән юллар көтә. Шуларның кайсысыннан китәргә? Нинди сукмак үзең хыялланган хәяткә алып чыга ала?.. Йөзләгән, меңәрләгән сорау бу көннәрдә күңел пәрдәләрен җилфердәтә.
Әйе, укучылар һәм ата-аналар җаваплы сайлау алдында тора. Шуны аңлаганга күрә, бүгенге тапшыруыбызда сезне көчле уку йортларының берсе белән таныштырырга булдык. Ул – Буа ветеринария техникумы.
Әлеге көллият төпле белем бирүе, студентларның актив һәм файдалы көнкүреше, укытучыларның фидакарьлеге белән дан тота. Мәктәптә бөре кебек кенә утырган балалар, бирегә килгәч, таҗларын сирпегән чәчәктәй ачылып китә, үзләрен ышанычлы тота башлый.
Буа ветеринария техникумы яхшы ремонтлы, якты коридоры һәм бүлмәләре белән каршы ала. Студентларның күзләрендә укуга карата кызыксыну күренеп тора. Алар һөнәр үзләштерергә генә түгел, төрле юнәлештәге конкурсларда катнашып, призлы урыннар яуларга да көч һәм вакыт таба. Әлбәттә, мондый нәтиҗәләргә ирешү өчен иң беренче чиратта яхшы җитәкче кирәк. Буа ветеринария техникумы директоры Илдар Мәҗит улы Гыйниятуллин безне көллиятнең тарихы белән дә, уку-укытуның кайбер серләре белән дә таныштырды. Әңгәмәне сезнең игътибарга да тәкъдим итәбез.

Нашли опечатку? Выделите фрагмент и отправьте нажатием Ctrl+Enter