Татарстан дулкынында (20.04.24)

Бүгенге тапшыруыбызны без талантлы актер һәм Республикабызның Г.Тукай исемендәге Дәүләт премиясе лауреаты Рәфкать Бикчәнтәевнең якты рухын искә алып әзерләдек.

Быелның 10 нчы февралендә аның тууына 100 ел тулды. Шул уңайдан республикабызда аның исемен мәңгеләштерү буенча шактый эшләр башкарылды. Мәсәлән, аның нәсел тамырлары барып тоташкан Әтнә районы Түбән Бәрәскә мәдәният йортына Рәфкать Бикчәнтәев исеме бирелде. Әлеге тантанада Камал театры артистлары, район һәм республика хакимияте вәкилләре, киң җәмәгатчелек катнашты. Камал театрының баш режиссеры, Россиянең атказанган сәнгать эшлеклесе Фәрит Бикчәнтәев, әтисенең истәлегенә багышлап Туфан Миңнуллинның “Дуслар җыелган җирдә” спектаклен яңадан куйды.

Рәфкать Бикчәнтәев истәлегенә багышланган бүгенге тапшыруыбызда аның якын кешеләре, шәкертләре һәм сәхнәдәшләре катнаша. Ни кызгнаныч, аларның кайберсе инде безнең арада юк. Әйтик, әлеге тапшыруны әзерләүдә актив катнашкан Татарстанның халык, Россиянең атказанган артисты, Рәфкать Бикчәнтәевнең хәләл җефете Наилә ханым Гәрәева безне 2023 елның ноябрендә, ә Рәфкать Бикчәнтәев шәкерте, Татарстанның халык артисты Хәлим Җәләлов безне калдырып 2021 елның июлендә бакыйлыкка күчтеләр.

Нашли опечатку? Выделите фрагмент и отправьте нажатием Ctrl+Enter