Татарстан дулкынында  (17.12.23)

Күренкле драматург һәм шагыйрь Хәй Вахитны искә ала торган көннәребез — 20 декабрьдә аның тууына 105 ел тула.

Хәй Вахит – киң кырлы талан иясе. Аның төп профессиясе музыкант икәнлеген хәзер инде күпләр белмидер дә. Ул 1940 елда Казан музыка училищесын тәмамлый, аннары җыр-бию ансамблендә җырчы булып эшли. әгәннән соң, Х.Вахит армиягә алына. Армиядә дә ул хәрби җыр-бию ансамблендә хезмәт итә. Бөек Ватан сугышы башлангач, разведчик-артиллерист сыйфатында Беренче Белоруссия фронтында барган каты сугышларда катнаша, Польша җирләренә хәтле сугышчан юл уза.

Аның күп санлы шигырь җыентыклары, балалар өчен язылган әсәрләре дөнья күргән. Шулай да Хәй Вахитны талантлы каләм остасы итеп таныткан жанр – драматургия. Илленче елларның ахырларыннан башлап ул үзенең иҗади көчен тулысынча диярлек шушы жанрга багышлый һәм үз заманының әхлакый проблемаларын үзәккә алган драмалары һәм комедияләре мәйданга чыгара. Аның «Беренче мәхәббәт», «Рәхим итегез!», «Кайда соң син?», «Карлыгач канат кага», «Соңгы хат», «Күк капусы ачылса» (1967), «Туй алдыннан», «Мәхәббәтең чын булса», «Давыл», «Ике килен-килендәш», «Ялгышасың, Нәзирә!», «Оныта алмасаң нишләрсең» кебек пьесалары алтмышынчы-җитмешенче еллардагы татар театрлары репертуарында зур урын алып тора.

Нашли опечатку? Выделите фрагмент и отправьте нажатием Ctrl+Enter