Татарстан дулкынында (04.11.23)

ТРның халык, РФның атказанган артисты Исламия Мәхмүтова истәлегенә багышлана.

Татарстан радиосында игълан ителгән Тинчурин театры атналыгы кысаларында әзерләнгән тапшыруларыбыз дәвам итә. Бүгенге программабызда Татарстанның халык, Россиянең атказанган артисты, Тинчурин театрының гына түгел, татар театр сәнгатенең легендасына әверелгән шәхес – Исламия Мәхмүтованы искә алырбыз.

Әле кичәгедәй хәтеремдә – аның белән моннан 5 ел элек, актриса үзенең 75 яшьлек, ә Тинчурин театры 85 еллык зур юбилеен каршы алган көннәрдә очрашып сөйләшкән идек. Ул көннәрдә Исламия ханым янып, ялкынланып эшләде, Тинчурин театрында үзенең “Син бит минем бер генәм” спектаклен чыгарды. Һәм тормышындагы шушы күңелле вакыйгалардан соң нәкъ 1 ел үткәч, 2019 елда ул безне гомерлеккә ташлап китте.

Тагын бик тиздән, 1 декабрьдә Исламия Мәхмүтованың тууына – 80 ел тула. 2018 елда әзерләгән тапшыру мәшһүр “Кыр казлары” артыннан җыры белән башланган булган. Тыңлыйк әле бергәләп.

Нашли опечатку? Выделите фрагмент и отправьте нажатием Ctrl+Enter