Татарстан дулкынында (28.10.23)

“Безнең заман каһарманнары”.

“Безнең заман каһарманнары” сәхифәсенең чираттагы чыгарылышын тәкъдим итәбез. Балаларына туган тел мохите тудыру, аларны татар телендә укыту, милли тәрбия бирү өчен тырышлык куйган гаиләләр белән таныштыруыбызны дәвам иттерәбез. Әлеге проектны без ТР Рәисе каршындагы татар телен һәм Татарстанда яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән әзерлибез.

Без бүген уникаль гаиләгә кунакка килдек. Яр Чаллы шәһәрендә гомер итүче Лилия һәм Илнар Шәйхетдиновлар икесе дә галим кеше, техник фәннәр кандидатлары. Үзләре әйтүенчә, фән дөньясында үз урыннарын табуга, зур үрләргә ирешүләрендә туган телнең дә роле зур. Без алдарак кына тыңлап киткән җырдагыча. “Һавада – кояш, җирдә туган тел булмаса әгәр, зураймас идек”. Лилия һәм Илнар – югары белемне үз туган телләрендә алып калган бәхетле буын вәкилләре. Шуңа аларның фикерләү дәрәҗәсе дә үзгә. Бүген үзләре дә балаларын милли рухта, туган телебезне белә, хөрмәт итә торган итеп тәрбиялиләр. Бу хакта тәфсилләбрәк итеп үзләре сөйләр, шуңа аларны микрофон алдына чакырам.

Нашли опечатку? Выделите фрагмент и отправьте нажатием Ctrl+Enter