Татарстан дулкынында (28.05.23)

Камил Мотыйгыйның тууына 140 ел тулуга багышланган чаралардан репортаж (Кайбыч районы).

Тапшыруыбызның бүгенге чыгарылышы Кайбыч районында үткәрелгән бер кичә турында булыр. Аерым бер районды булып узган шушы чараны сөйләргә җыенуыбыз юкка гына түгел, чөнки ул республика күләмендә, хәтта бөтен татар дөньясында әһәмиятле бер вакыйга дип бәя алды.

Инде әйтик: Кайбычта татар халкының бөек улы, нашир, җәмәгать эшлеклесе, татар халкының беренче профессиональ җырчысы, әдип Камил Матыйгыйның тууына 140 ел тулу уңаеннан саралар үткәрелде. Ул көнне Камил Мотыйгыйны өйрәнүче галимнәр, язучылар, җырчылар, журналистлар Кайбычның көтелгән кунаклары булдылар. Тамырлары белән шушы төбәккә – Кайбыч ягына тоташкан затлы нәселнең бүгенге көн дәвамчылары да Казаннан, Мәскәүдән, башка төбәкләрдән җыелышып кайтканнар иде. Аларга аерым бер хөрмәт күрсәтелде.

Юбилей чаралары Камил Мотыйгыйның бертуган сеңлесе – күренекле җырчыбыз Галия Кайбицкая музеенда башланып китте, аннары район мәдәният йортында зур кичә белән дәвам итте. Хәзер игътибарыгызга менә шул чараныд кайбер фрагментларын тәкъдим итәбез. Кичәне Кайбыч муниципаль районы башлыгы урынбасары Рәмис Хәялиев һәм Галия Кайбицкая музее директоры Чулпан Камалиева алып барды.

Нашли опечатку? Выделите фрагмент и отправьте нажатием Ctrl+Enter