Татарстан дулкынында (30.04.23)

“Татар сүзе” халыкара нәфис сүз телевизион конкурсының йомгаклау концертыннан репортаж.

“Татар сүзе”… соңгы араларда бу исем матбугатта, халык сөйләмендә иң еш кулланыла торган, популяр сүзләрнең берсенә әверелеп китте. Чыннан да “Татар сүзе” Халыкара нәфис сүз конкурсы инде берничә ел рәттән үткәрелә һәм анда ел саен меңнәрчә һәм меңнәрчә кеше катнаша. Ул инде гади бер бәйге-ярыш кына булып калмыйча, милләтебезнең көчен-куәтен, рухын, киләчәккә ышанычын чагылдыручы көзге булып хезмәт итә.

Быел әлеге конкурс өченче тапкыр үткәрелде. Бу юлы аның зур бер үзенчәлеге бар, ул беренче тапкыр телевизион форматта оештырылды. Мондый формат, әлбәттә, башкаручыларның шушы хасияткә туры килүен таләп итә, шуңа күрә чараны үткәрү “Татарстан – Яңа гасыр” телерадиокомпаниясенә йөкләнгән иде, һәм анда эшләүче коллегаларыбыз бу эшне чын мәгънәсендәге профессиональ югарылыкта тормышка ашырдылар. Конкурс Татарстан Республикасы Рәсиме каршындагы Татар телен һәм Татарстан Республикасында яшәүче халыклар вәкилләренң туган телләрен саклау, үстерү комиссиясе ярдәме белән үткәрелде.

Апрель – шигърият ае якынлашып килгән көннәрдә Казанның “Сәйдәш” мәдәният үзәгендә “Татар сүзе” Халыкара нәфис сүз телевизион бәйгесенең йомгаклау чарасы, ягъни Гала-конөерты үткәрелде. Хәзер без сезнең игътибарыгызга менә шул концерттан алынган язма тәкъдим итәбез. Ул зур күләмле, шуңа күрә без аны өч өлешкә бүлеп игътибарыгызга тәкъдим итәрбез.

Нашли опечатку? Выделите фрагмент и отправьте нажатием Ctrl+Enter