Татарстан дулкынында (25.03.23)

«Безнең заман каһарманнары». 2 нче тапшыру.

Тапшыруыбызның бүгенге каһарманнары —  Зөлфия һәм Алмаз Вафиннар. Алар да башкалабыз Казанда гади күпфатирлы йортта яшиләр. Юл аркылы гына мәктәп булуга карамастан, балаларын татар гимназиясендә, төгәлрәк итеп әйткәндә, Галимҗан Ибраһимов исемендәге 17 нче татар гимназиясендә укыталар. Дөрес, мәктәпкә кадәр машинада 5 минутта барып җитәргә мөмкин диләр. Балаларны мәктәпкә көн саен әтиләре Алмаз озата. Тормыш булгач, төрле чаклар була, кайчакта машинага ремонт кирәк яки вакыт ягы туры килми. Менә монда инде гимназиягә кадәр юл озынлыгы үзен сиздермичә калмый. Шулай булуга карамастан, Зөлфия һәм Алмаз Вафиннар кызларының татар гимназиясендә укуларына сөенеп бетә алмыйлар. Юкса, үзләре – чеп-чи авыл балалары. Авылга кайту өчен ялларны көтеп кенә торалар яки авылдагы әти-әни үзләре алар янына кунакка килә. Без дә нәкъ менә шундый вакытны туры китереп ишек шакыдык.

Нашли опечатку? Выделите фрагмент и отправьте нажатием Ctrl+Enter