Татарстан дулкынында (01.02.23)

Эзтабар язучы Шаһинур Мостафинның тууына 75 ел.

Тапшыруыбызның беренче сәхифәсен без “Батырларны күтәргән батыр” дип исемләдек. Ул язучы, журналист, Татарстанның атказанган сәнгать эшлеклесе Шаһинур Мостафинның тууына 75 ел тулу уңаеннан әзерләнде.

Без үз халкыбыз белән горурланырга, башкалар алдында үз халкыбызны олыларга кирәк чакларда һәрвакыт батыр милләттәшләребезнең исемнәрен атыйбыз. Шулар ярдәмендә үзебезнең кем булуыбызны, кемнәр нәселеннән икәнебезне күрсәтәбез. Муса Җәлилләр, Абдулла Алиш, Александр Матросов, Петр Гавриллов, Газинур Гафиятуллин һәм тагын йөзләгән, меңләгән каһарман милләттәшләребез – безнең горурлыгыбыз. Ләкин батырларның исесмнәрен байрак итеп күтәрү өчен әле синең үзеңнән дә батырлык таләп ителә. Әйтик, ничәмә ничә еллар дәвамында Рейстаг гөмбәзенә беренче булып Җиңү байрагы кадаган татар кешесе Гази Заһитов турындагы дөреслек әллә нич кат йозаклар белән бикләп куелган иде. Әнә шундый каршылыкларга, киртәләргә карамастан, Гази Заһитовның батырлыгын дөньяга тарату өчен чын мәгънәсендә көрәш алып баручы шәхесләребез булды. Шуларның берсе – эзтабар язучы Шаһинур Мостафин иде. Ул бу хакта күп тапкырлар республика һәм Россия матбугатендә язып чыкты, радио, телевидение аша чыгышлар ясады. Әнә шундый чыгышларының берсен хәзер сезгә кабатлап тыңлатасыбыз килә. Ул 2009 елның 9 май көнендә беренчес тапкыр эфирга чыкты.

Нашли опечатку? Выделите фрагмент и отправьте нажатием Ctrl+Enter