Татарстан дулкынында (21.08.22)

Шагыйрьләр Рөстәм Мингалим һәм Наис Гамбәровның якты рухларына багышлана.

Август ае – муллык ае дигән гыйбарә бар бит. Чынна да яздан башлап, җәй буе үстерелгән уңышны җыеп алу чоры. Хәер, яшәешебезнең кай тарафына гына күз салсаң да, августның безгә бик тә мәрхәмәтле булуын күрәбез. Әйтик, шушы айда никадәр күренекле шәхесләребез дөньяга килгән! Менә, алдыбызда истәлекле даталар календаре. Кичә, 20 августта, педагог, дәреслекләр авторы, тәрҗемәче Нургали Надиевның тууына 140 ел тулды. Шулай ук 20 августта язучы, публицист Равил Вәлинең тууына 80, режиссер Илгиз Мәҗитовның тууына 90 ел тулуны билегәп үттек. Бүген исз язучы Гази Кашшаф-Үзиленең тууына 80 ел, Татарстанның халык артисткасы Ләлә Миңнуллинага 70 яшь… кыскасы, август аендагы юбилейларны санап чыгу өчен генә дә әллә никадәр вакыт кирәк булыр иде.

Без бүгенге тапшыруда, хөрмәтле тыңлаучылар, менә шушы юбилярлар арасыннан ике ике шәхеснең – ике күренекле әдипнең иҗатларын игътибар үзәгенә алырга булдык. Алар – Рөстәм Мингалим һәм Наис Гамбәр.

Нашли опечатку? Выделите фрагмент и отправьте нажатием Ctrl+Enter