Татарстан дулкынында (20.07.2022)

Быел, Татарстан республикасы Президенты каршындагы Татар телен һәм Татарстан республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе ярдәме белән Татарстан радиосында зур күләмле, берничә серияле 4 спектакль әзерләнә башлады. Шуның беренчесе – Галимҗан Ибраһимовның «Казакъ кызы» радиоспектакле.
Радиоспектакльнең режиссеры Рамил Һидиятулла, инсценировка авторы – Нәсим Акмал. Рольләрдә Г.Камал исемендәге Татар Дәүләт академия театры, К.Тинчурин исемендәге татар дәүләт драма һәм комедия театры һәм Г.Кариев исемендәге Казан татар дәүләт яшь тамашачылар театры артистлары һәм Татарстан телерадиокомпаниясе хезмәткәрләре үзләре катнаша. Хәзерге вакытта спектакльгә кызу әзерлек эшләре бара.

Бүген без сезнең белән әлеге вакыйганың шаһитләре булырбыз, радиоспектакль турында тулырак итеп сөйләрбез.

Рәсемдә — Галимҗан Ибраһимов.

Нашли опечатку? Выделите фрагмент и отправьте нажатием Ctrl+Enter