Татарстан дулкынында (24.02.22)

Тапшыруыбызның бүгенге чыгарылышында игътибарыгызга “Данлы көннәр елъязмасы” сәхифәсе тәкъдим ителә.

Сез инде беләсез, Бөек Ватан сугышында җиңүнең 77 еллыгын каршылап Татарстан радиосы әнә шундый яңа сәхифә ачып җибәргән иде.  Татар әдәбиятында, рәсем, театр, музыка сәнгатендә Бөек Ватан сугышы темасы аерым бер урын алып тора. Һәм әлеге әсәрләрне бер эзлеклелектә күзәтсәк, чыннан да, күз алдына халкыбызның батырлык елъязмасы килеп баса. Бу тапшыруларда без сезне әнә шундый әсәрләр белән таныштырабыз, илебез азатлыгы өчен көрәшкән татар язучылары, артистлар, рәссамнар, композиторлар турында сөйлибез.

Хәзер без сезне классик язучыбыз Әмирхан Еникиның “Бер генә сәгатькә” дигән хикәясе буенча эшләнгән радиопостановка тыңларга чакырабыз. Әдип үзе дә 1941-1945 елларда Бөек Ватан сугышында рядовой солдат булып катнашкан, авыр фронт юлларында утлар-сулар кичкән кеше. Аның иҗатына нәкъ менә хәзер мөрәҗәгать итүебезнең дә бер хикмәте бар, Әмирхан ага Еники 1909 елның шушы көннәрендә  — 17 февральдә, яңа стиль белән 2 мартта дөньяга килгән. Аның үзенең дә якты рухын искә алу булыр.

Нашли опечатку? Выделите фрагмент и отправьте нажатием Ctrl+Enter