Татарстан дулкынында (15.01.22)
Шагыйрь, журналист Вазыйх Фатыйхов бүген үзенең гомер бәйрәмен билгеләп үтә. Ул 1958 елның 15 гыйнварында Балык Бистәсе районы Югары Тегермәнлек авылында дөньяга килә. Казан Дәүләт университетын тәмамлаганнан соң, Вазыйх Фатыйхов озак еллар Балык Бистәсе районы газетасында башта журналист, соңрак баш мөхәррир булып эшли. Соңгы елларда ул ирекле иҗатта. Туган якка мәдхия җырлаган, сөю-мәхәббәт, бүгенге тормыш-яшәеш, көнкүреш темасына язылган шигырьләре, балалар өчен әсәрләре, туган ягының тырыш халкы турындагы, көнүзәк проблемаларны яктырткан журналистик язмалары республика матбугатында көтеп алына. Шагыйрьне туган көне белән котлап, аңа исәнлек-саулык, имин тормыш, күңел тынычлыгы, яңа иҗади уңышлар телибез! Хәзер сезне, хөрмәтле радиотыңлаучылар, шагыйрь Вазыйх Фатыйхов шигырьләреннән һәм аның шигырьләренә иҗат ителгән җырлардан төзелгән “Эх, яшисе иде матур итеп!” дип исемләнгән әдәби-музыкаль композиция тәкъдим итәбез. Шигырьләрне автор үзе укый.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=429421){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
