“Татар сүзе” республика конкурсының Гала-концерты  (31.12.21)

Исәнмесез, кадерле дусларыбыз! Менә 2021 нче елны озатырга санаулы сәгатьләр калып бара. Үтеп баручы кл безнең хәтерләргә Президентыбыз тарафыннан игълан ителгән “Татарстанда туган телләр һәм халыклар бердәмлеге елы” буларак кереп калыр. Шушы елда Татарстан Президенты каршындагы “Татар телен саклау һәм үстерү мәсьәләләре комиссиясе” ярдәме белән республикада күп кенә кызыклы максатчан проектлар тормышка ашырылды. Әдәби әсәрләрне сәнгатьле укычылар арасында үткәрелгән “Татар сүзе” конкурсы — шушы күп санлы проектларның берсе. 2020 ел ахырында – 2021 ел башында үткәрелгән беренче конкурска 4 меңгә якын видеоязма кабул ителгән иде. Һәм шулар арасыннан иң яхшылары сайлап алынды. Ә хәзер, әйдәгез, быел февраль аенда узган Гала–концерты тыңлап, хәтер яңартыйк.

Чираттагы эфир сәгатен “Мин әтине өйрәтәм” дигән радиосериал белән ачып җибәрәбез. Әлеге проект “Татарстанда туган телләр һәм халыклар бердәмлеге елы” җәһәтеннән гамәлгә куелды. Аннары эшебезне “Татар сүзе” республика конкурсының Гала-концертыннан репортаж белән дәвам иттерербез. Хәерле сәгатьтә дип, башлыйк дуслар!

Яңа елга керергә санаулы минутлар калып барган шушы вакытта без “Татарстанда туган телләр һәм халыклар бердәмлеге елының” иң зур вакыйгаларыннан берсе – “Татар сүзе” республика конкурсының йомгаклау концертын хәетрдә яңартып тыңлыйбыз. Бүген “Татарстан дулкынында” программасында һәм 15 сәгать 10 минутта без аның баш өлешләрен эфирга биргән идек. Хәзер шушы күркәм чарада ясалган чыгышлар белән таныштыруны дәвам иттерәбез.

Нашли опечатку? Выделите фрагмент и отправьте нажатием Ctrl+Enter