Татарстан дулкынында (17.11.21)

Татар халкының тарихын милли җыр һәм биюләрдән башка күз алдына да китереп булмый торгандыр. Иң авыр чакта да халкыбызны моң яшәткән, бии-бии юанып күңелләре күтәрелгән. Шуңа да җырлы-биюле ансамбльләребез гомер-гомергә популяр һәм тамашачы аларны һәрвакыт көтеп ала. Әнә шундый ансамбльләребезнең берсе, татар халкының күпгасырлык рухи мирасын, легендаларын, йолаларын, гореф-гадәтләрен, җыр-биюләрен, фольклор бәйрәмнәрен, милли киемнәрен сәхнәгә алып менгән Татарстан республикасының җыр һәм бию ансамбле киләсе елда инде 85 еллык юбилейларын каршы алырга җыена. Шушы еллар эчендә санап бетергесез югары сәнгати кимәлдәге җырлы-биюле композицияләр төзелгән һәм тамашачыга күрсәтелгән.

Бүген бездә кунакта бөтен гомерен шушы ансамбльгә багышлаган кеше, Татарстанның халык, Россиянең атказанган артисты, Татар дәүләт җыр һәм бию ансамбленең баш балетмейстеры, профессор – Раилә Гарипова.

Бөтен гомерен багышлаган яраткан ансамбелен ул кечкенә бер дәүләт белән чагыштыра. Биредә Раилә Гарипова Татарстан мәдәниятенең алтын фондына кергән, «Казан кызлары биюе», «Биш пар», «Гармун-гармун», «Кызлар утырмасы», «Минзәлә биюе», «Сабан туе», «Көнчыгыш биюе» кебек 100 дән артык хореографик күренеш-биюне сәхнәгә куя. Раилә ханым белән аның иҗаты һәм тормыш юлы, ил-көн вакыйгаларына мөнәсәбәте турында да, Җыр һәм бию ансамбленең бүгенге торышы хакында да сөйләштек.

Нашли опечатку? Выделите фрагмент и отправьте нажатием Ctrl+Enter