Татарстан дулкынында (22.10.21)

Программаның бүгенге чыгарылышы тыңлаучыларыбызның бик күбе көтеп алган, күңел теләгән тапшыру булыр, дип өметләнәбез. Чөнки хәзер без барыбыз өчен дә якын, кадерле бер кешенең — күренекле сәясәтче, җәмәгать эшлеклесе Фәндәс Сафиуллинның якты рухын искә алырбыз. Ул быел август аеда үзенең 85 яшьлек юбилеен билгеләп үтте һәм, озак та тормый, арабыздан мәңгелеккә китеп барды. Аның бу дөньяда кылган игелекле эшләре, әйтеп калдырган фикерләре, васыятләре турында сүз барыр.

Август аеда, Фәндәс аганы юбилее белән котлау өчен без аның өендә булган идек. Һәм шул очрашу вакытында язып алынган әңгәмә 30 авгус көнне – бәйрәм көнендә эфирга бирелде. Без менә шул язманың Фәндәс Сафиуллинны шәхес, көрәшче, фикер иясе буларак ачып бирә торган урыннарын кабатлап тыңларбыз.

Нашли опечатку? Выделите фрагмент и отправьте нажатием Ctrl+Enter