Татарстан дулкынында (Саҗидә Сөләйманова) (10.10.21)

Тапшыруыбызның бүгенге чыгарлышында әле күптән түгел генә булып узган олы бер вакыйга чагылыш табачак. Сезгә инде мәгълүм, Татарстан Республикасы Президенты Рөстәм Миңнеханов тарафыннан игълан ителгән “Туган телләр һәм халыклар бердәмлеге елы” кысаларында бик күп чаралар үткәрелә. Габдулла Тукай исемендәне татар дәүләт филармониясендә үтә торган “Галиҗанәп шагыйрь” дип аталган әдәби-музыкаль кичәләр циклы да Туган телләр елының матур бер бизәгенә әверелде. Татар әдәбиятын барлау һәм  таныту йөзеннән оештырыла торга бу чаралар Татарстан Республикасы Президенты каршындагы Татар телен саклау һәм үстерү мәсьәләләре комиссиясе тәкъдиме белән әзерләнә.

Һәм менә шушы атна башында, 4 октябрь көнне, әлеге кичәләрнең чираттагысы булып узды. Ул сөекле шагыйрәбез Саҗидә Сөләйманова иҗатына багышланды. Сагышлы да, юксынулы да, шул ук вакытта күңелдә татар әдәбияты өчен, дөньяга танылырга хаклы рухи мирасыбыз өчен, Саҗидә Сөләйманов кебек олы әдипләребезнең булуы өчен горурлык хисләре дә тудырды бу кичә.

Тапшыруыбызда шушы чарадан репортаж тәкъдим ителер. Алдан ук аңлатып куйыйк. Без кичәне яздырып алдык. Чараның драматургиясе һәм режессурасы шулкадәр камил дәрәҗәдә эшләнгән ки, кичә үзе бер сәнгать әсәре рәвешен алган. Аны кыскарту, хәтта бераз гына җыйнакландыру да шушы камиллеккә хилафлык китерер иде. Шунлыктан, хөрмәтле тыңлаучылар, язманы игътибарыгызга тулысы белән тәкъдим итәргә булдык. Без аны менә хәзер “Татарстан дулкынында” тапшыруында башлап җибәрербез. Аннары бүген 15 сәгать 10 минутта һәм 16 сәгать 10 минутта дәвам итәрбез.

Бүген “Татарстан дулкынында” тапшыруында без Саҗидә Сөләйманованың иҗат кичәсеннән репортаж башлап җибәргән идек. Хәзер шул шушы эшебезне дәвам итәрбез.

Татарстан Республикасы Президенты Рөстәм Миңнеханов тарафыннан игълан ителгән “Туган телләр һәм халыклар бердәмлеге елы” кысаларында үткәрелә торган “Галиҗанәп шагыйрь” дип исемләнгән әдәби-музыкаль кичәләр циклы безнең рухи тормышыбызның матур бер бизәгенә әверелде. Әлеге цикл Татарстан Республикасы Президенты каршындагы Татар телен саклау һәм үстерү мәсьәләләре комиссиясе тәкъдиме белән оештырыла.

Һәм менә 4 октябрь көнне, әлеге кичәләрнең чираттагысы, инде әйткәнебезчә, сөекле шагыйрәбез Саҗидә Сөләйманова иҗатына багышланды. Кичәнең сценарий авторы Илсөяр Икъсанова, режиссеры Илдар Хәйруллин. Тамашада Алсу Гайнуллина, Әсхәт Хисмәт, Гөлчәчәк Хафизова, Ирек Хафизов, Зөлфия Вәлиева, Резеда Сәлахова, Фәннүр Мөхәммәтҗанов катнаша.

Хәзер без сезне Саҗидә Сөләйманованың иҗат кичәсеннән репортажның дәвамын тыңларга чакырабыз.

Татарстан Республикасы Президенты Рөстәм Миңнеханов тарафыннан игълан ителгән “Туган телләр һәм халыклар бердәмлеге елы” кысаларында үткәрелә торган “Галиҗанәп шагыйрь” дип исемләнгән әдәби-музыкаль кичәләр циклы инде халыкның мәхәббәтен казанып өлгерде. Әлеге цикл Татарстан Республикасы Президенты каршындагы Татар телен саклау һәм үстерү мәсьәләләре комиссиясе тәкъдиме белән оештырыла.

4 октябрь көнне, әлеге кичәләрнең чираттагысы шагыйрә Саҗидә Сөләйманова иҗатына багышланды. Кичәнең сценарий авторы Илсөяр Икъсанова, режиссеры Илдар Хәйруллин. Тамашада Алсу Гайнуллина, Әсхәт Хисмәт, Гөлчәчәк Хафизова, Ирек Хафизов, Зөлфия Вәлиева, Резеда

Сәлахова, Фәннүр Мөхәммәтҗанов катнаша.

Нашли опечатку? Выделите фрагмент и отправьте нажатием Ctrl+Enter