Татарстан дулкынында (3.10.2021)

Кадерле дуслар, игътибарыгызга «Кызыклы очрашулар кунакханәсе» сәхифәсе тәкъдим ителә. Кунагыбыз – безнең тыңлаучыларыбызга бик тә таныш, якын бер кеше – Васил Гарифуллин. Танылган журналист, филология фәннәре докторы, Казан федераль университеты профессоры, университет составындагы Социаль-фәлсәфи фәннәр һәм гаммәви коммуникацияләр институтының  кафедра мөдире. Россия Федерациясенең югары һөнәри белем мактаулы хезмәткәре, Татарстанның атказанган фән эшлеклесе.

Кыска гына итеп әйткәндә, республикабызда журналистлар әзерләү белән шөгыльләнүче иң олы белгечләрнең берсе.

1 нче октябрь көнне ул тәрбияләп чыгарган йөзләгән журналистлар, күп санлы коллегалары һәм, гомумән, аңа рәхмәтле кешеләр, Васил Гарифуллинны юбилее белән котларга жыелдылар. Менә шундый күңелле мәшәкатьләрдән соң, без дә аны тыңлаучыларыбыз янына кунакка дәштек.

Нашли опечатку? Выделите фрагмент и отправьте нажатием Ctrl+Enter