Татарстан дулкынында (24.07.21)

Күренекле педагог, Татарстанның атказанган сәнгать эшлеклесе, Татарстанның атказанган артисты, Республикабызның Г.Тукай исемендәге Дәүләт премиясе лауреаты Асия Хәйруллинаның тууына 100, ә аның ире, сәнгать өлкәсендә беренче татар профессоры Халит Кумысниковның тууына 95 ел. Асия Хәйруллинаның нәсел тамырлары Апас районының Барыш авылына барып тоташса, Халит ага тумышы белән Түбән Новгрод өлкәсе Медянка авылыннан. Алар икесе дә театр сәнгате үсешенә үзләреннән әйтеп бетергесез зур өлеш керткән шәхесләр. Алар Мәскәүдә, Дәүләт театр сәнгате институтында укып чыккан югары белем алган беренче буын актерлар плеядасыннан. Асия Хәйруллинаны күпләр сәхнә теле буенча талантлы педагог буларак беләләр. Бүген ул тәрбияләп үстергән меңгәлән укучылары аның эшен дәвам итүчеләр, театр дөньясында үз урыннарын тапкан мөхтәрәм сәнгать әһелләре. Хәзер игътибарыгызга шушы олуг шәхесләргә багышлап, күренекле телевидение режиссеры, гомере буе Камал театрының зур сәнгать осталары белән аралашып яшәгән шәхес – Әхтәм ага Зарипов катнашында әзерләнгән тапшыру тәкъдим итәбез.

Нашли опечатку? Выделите фрагмент и отправьте нажатием Ctrl+Enter