Татарстан дулкынында (26.06.21)

Татарстан радиосы үзенең иң шәп тапшыруларын Казан Сабан туена дип саклап торды. Һәм менә хәзер шул затлы тапшыруларның берсе эфирга чыга. Бу – “Сабан туе бизәкләре” дип исемләнгән радиотамаша. Ул Татарстанның халык шагыйре, Республикабызның Габдулла Тукай исемендәге дәүләт премиясе һәм Россия Федерациясенең дәүләт премиясе лауреаты Ренат Харисның шул исемдәге әсәренә нигезләнгән. Анда Галиәсгар Камал исемендәге татар дәүләт академия театры һәм Мәҗит Гафури Исемендәге башкорт дәүләт драма театры артистлары катнаша. Менә шушы хәл, ягъни әсәрнең ике халыкның сәнгәть осталары көче белән барлыкка китерелүе, үзе генә дә бик күп нәрсә турында сөйли. Ул бер-берсенә бик якын телдә сөйләшүче, бер үк мәдәният, бер үк әдәбият мәйданында яшәүче ике милләтнең какшамас дуслыгын, бердәмлеген гәүдәләндерә.

Бу тамаша магнитофон тасмасына 1980 елларда язып алынган. Һәм әнә шул вакытлардан бирле ул үзенең актуальлеген дә, әдәби кыйммәтен дә һәич тә югалтмыйча, ел саен милли бәйрәмебез көннәрендә Татарстан радиосы эфирын бизәп тора. Әйдәгез, инде шушы әсәрне тыңлыйк. Биредә тамашаны алып баручы ролендә данлыклы дикторыбыз һәм Шагыйрь Эльс Гадел.

Нашли опечатку? Выделите фрагмент и отправьте нажатием Ctrl+Enter