Татарстан дулкынында (20.06.21)

Татарстанның халык язучысы Фоат Садриев иҗатына багышланган кичәдән репортаж.

Кадерле дуслар, хәзер сезне әдәбиятыбыз аксакалы, Татарстанның халык язучысы, Габдулла Тукай исемендәге дәүләт премиясе лауреаты Фоат Садриев иҗаты белән очрашу көтә. Моннан беркадәр вакыт элек аның туган җире Мөслим төбәгендә әдипнең юбилеена багышланган чаралар булып үтте. Район хакимияте тарафыннан оештырылган бу чаралар чын мәгънәсендә әдәбият бәйрәме, якташ әдипләрен олылау бәйрәме төсен алды. Безнең тыңлаучылар белә булыр, Мөслимдә ел саен Фоат Садриев укулары үткәрелә. Әлеге чаралар әнә шул укуларның дәвамын хәтерләтте. Иртәнге якта мәктәпләрдә язучы иҗатына багышланган кичәләр булды. Укучылар катнашында әдипнең әсәрләреннән өзекләр сәхнәләштерелде, аның иҗатына багышланган фәнни рефератлар тәкъдим ителде. Ә инде кичен халык районының үзәк мәдәният йортына юбилей кичәсенә җыелды.

Азнакайда яшәүче коллегабыз (шулай ук Мөслим егете) Ясир Хөснетдинов безгә шушы чара вактында ясалган чыгышларны тулысынча яздырып җибәрде. Өч сәгать ярымга сузылган бу язма, әлбәттә, безнең эфир таләпләренә сыешып җитмәс. Шуңа күрә аны бераз гына кыскартып, җыйнакландып һәм ике өлешкә бүлеп игътибарыгызга тәкъдим итәрбез. Аны хәзер башлап җибәрербез, дәвамы 15 сәгать 10 минутта эфирга бирелә.

Нашли опечатку? Выделите фрагмент и отправьте нажатием Ctrl+Enter