Татарстан дулкынында (30.05.21)

Безгә мәгълүм: тыңлаучыларыбыз арасында «Казан утлары» журналын даими укучылар байтак. Шуңа күрә сезне яраткан җурналыбызга кунакка алып барырга булдык. Сез инде беләсездер, «Казан утлары» Президентыбыз тарафыннан игълан ителгән «Туган телләр һәм халыклар бердәмлеге елы»нда күп кенә кызыклы яңа проектлар башлап җибәрде. Менә шулар турында тәмләп сөйләшербез, аннары инюнь ае санында булачак әсәрләр турында сорашып үтәрбез. Һәм шул рәвешчә әкренләп төп темага килеп җитәрбез.

Ә төп тема шуннан гыйбарәт. Киләсе 2022 елда «Казан утлары» җурналына 100 ел тула. Редакция шушы олы вакыганы билгеләп үтәргә әзерлек эшләрен башлап та җибәргән, дип ишеттек. Ниләр булачак, нинди чаралар күздә тотыла һәм бу юбилей җурнал битләрендә ничек чагылыш табачак? Түгәрәк өстәлдә җурналның баш мөхәррир Рөстәм Галиуллин, аның урынбасары Вакыйф Нуриев, җаваплы секретарь Ландыш Әбүдәрова, бүлек мөхәррирләре Рафис Корбан һәм Фәнил Гыйлаҗев катнаша.

Нашли опечатку? Выделите фрагмент и отправьте нажатием Ctrl+Enter