Татарстан дулкынында (27.04.21)

Кичә сөекле шагыйребез Габдулла Тукайның тууына 135 ел тулуны билгеләп үттек. Шул уңайдан бу көннәрдә бөтен татар дөньясы Тукай рухы белән яши. Бу араларда Татарстаныбызда, Россия Федерациясенең һәм дөньяның татар булган һәр төбәгендә Тукайга, шигьрияткә, туган телгә багышланган кичәләр, очрашулар булып үтте. Тантаналарның иң зурысы, әлбәттә башкалабыз Казанда һәм Тукайның туган җире – Кырлайда үткәрелде. Кичке якта Муса Җәлил исемендәне татар дәүләт опера һәм балет театрынды узган тантаналы кичәдә Президентыбыз Рөстәм Миңнеханов Габдулла Тукай исемендәге дәүләт премиясенең быелыг лауреатларына бүләкләрен тапшырды.

Хәзер без шушы зур чаралар арасыннан берсен – кичә Казанда булып узган Шигърият һәм туган тел көненә багышланган митингны игътибар үзәгенә алырбыз. Алдан ук искәртеп куйыйк, без бу язманы ике өлешкә бүлеп эфирга бирәбез. Аның баш өлеше менә хәзер яңгыраса, ахырын 15 сәгать 10 минутта тыңларсыз.

Игътибарыгызга кичә Казанда булып узган Шигърият һәм туган тел көненә багышланган митингтан репортаж тәкъдим ителә. Без әлеге репортажны бүген “Татарстан дулкынында” программасында башлап җибәргән идек. Хәзер аның дәвамын тыңларсыз. Бәйрәмне шагыйрьләр Резеда Гобәева һәм Рифат Сәлах алып бара.

Нашли опечатку? Выделите фрагмент и отправьте нажатием Ctrl+Enter