Татарстан дулкынында (11.04.21)

Без үз халкыбыз белән горурланырга, башкалар алдында үз халкыбызны олыларга кирәк чакларда һәрвакыт батыр милләттәшләребезнең исемнәрен атыйбыз. Шулар ярдәмендә үзебезнең кем булуыбызны, кемнәр нәселеннән икәнебезне күрсәтәбез. Муса Җәлилләр, Абдулла Алиш, Александр Матросов, Газинур Гафиятуллин, Даян Мурзиннар һәм тагын йөзләгән, меңләгән каһарман милләиттәшләребез. Алар – безнең горурлыгыбыз. Ләкин батырларның исесмнәрен байрак итеп күтәрү өчен әле синең үзеңнән дә батырлык таләп ителә. Әйтик, кайчандыр “сатлыкҗан” дип тамга сугылган җәилчеләрнең якты исемнәрен халыкка кайтару, асыл дөреслек өчен көрәшкән шәхесләрнең үзләренә дә никадәр батырлык кирәк булган.

Тагын бер мисал. Инде ничәмә ничә еллар дәвамында Рейстаг гөмбәзенә беренче булып җиңү байрагы кадаган татар кешесе Гази Заһитов турындагы дөреслекне дөньяга таныту өчен дә безгә бергәләп бик ныклап тырышырга кирәк булачак. Шөкер, бу эшне изге максат итеп куйган егетләребез булды һәм булачак. Әнә шундый батыр егетләрнең берсе эзтабар-язучы Шаһинур Мостафин иде. Ул, беләсездер, узган ел арабыздан мәңгелеккә китеп барды. Безгә – үзеннән соң Җир йөзендә яшәп калганнарга үз эшен дәвам итүне, Гази Заһитовның батырлыгын яшь буынга аңлатуны васыят итеп китте.

Тапшыруыбызда без Шаһинур аганың Гази Заһитов турында сөйләп калдырганнарын тыңларбыз.

Нашли опечатку? Выделите фрагмент и отправьте нажатием Ctrl+Enter