Татарстан дулкынында (21.03.21)

Быел август аенда танылган композитор һәм җырчы, Татарстанның Муса Җәлил исемендәге премиясе лауреаты Рәшит Абдуллинның тууына 70 ел тула. Үзенең кыска гына гомере эчендә татар музыкасында тулы бер чор – Рәшит Абдуллин чоры тудыра алган,  аңа яңа сулыш биргән, яңа аһәңнәр алып килгән иҗатчы иде ул.

1970 – 1980 елларда Рәшит Абдуллин яшьләрен үзенә тартып торучы кумирга әверелде.

Ул татар дөньясына иң әүвәлдә үзе оештырган “Сәйяр” вокаль – инструменталь ансамбле белән танылды. Аннары композитор, эстрада жанры белән беррәтән, җитди музыка өлкәсендә актив эшләде, классик әсәрләр башкаручы буларак тамашачы күңелен яулады.

Бүгенге тапшыруыбыз аның юбилеен билгеләп үтәргә әзерлекнең башы, шушы вакыйгага тыңлаучыларыбызның игътибарын җәлеп итү өчен бер форсат булсын дидек. Кунагыбыз – Татарстанның халык шагыйре, җәмәгать эшлеклесе Разил Исмәгыйль улы Вәлиев.

Нашли опечатку? Выделите фрагмент и отправьте нажатием Ctrl+Enter