Татарстан дулкынында (20.03.21)

Игътибарыгызга “Яшьлек сәхнәсе” дигән проектыбызның чираттагы чыгарылышын тәкъдим итәбез. Ул ТР Президенты каршындагы “Татар телен саклау һәм үстерү мәсьәләләре комиссиясе” ярдәме белән әзерләнә.

Бу тапшыруларда туган телебезне хөрмәт иткән һәм яраткан, бик күп һөнәрләр арасыннан сәнгать юлын – театрны сайлаган яшьләребез катнаша. Бу хезмәт авыр да, җаваплы да, чөнки милләтебезне, татар телен саклап калуда театр сәнгатенең роле аеруча зур. Театрда эшләүче актерлар һәрвакыт үзләренең туган тел сагында торучылар икәнен аңлап иҗат иттеләр. Соңгы елларда бу эстафетаны республикабыз театрларында үсеп җиткән яшь, талантлы актерлар кабул итте. Безнең, хөрмәтле радиотыңлаучылар, сезгә нәкъ менә шундый егет-кызларыбызны күрсәтәсебез килә.

Бүгенге чыгарылышның кунаклары – Г.Кариев исемендәге Казан Татар Дәүләт яшь тамашачы театрыннан яшь гаилә – Рузанна һәм Илназ Хәбибуллиннар. Дөресрәге, без аларның грим бүлмәсендә кунакта.

Нашли опечатку? Выделите фрагмент и отправьте нажатием Ctrl+Enter