Татарстан дулкынында (05.03.21)
Язның тәүге бәйрәме – Халыкара хатын-кызлар көне якынлашуын исәпкә алып, бүгенге тапшыруыбызның төп каһарманнары – гүзәл затларыбыз булачак. Аларның икесен дә берләштереп торган төп нәрсә – тумышлары белән Актаныш төбәгеннән булулары. Без тапшыруга герой итеп сайлап алган шәхесләрнең берсе – Татарстанның атказанган артисты, К.Тинчурин исемендәге Татар Дәүләт драма һәм комедия театры актрисасы Гүзәл Мөдәррис кызы Гарәпшина. Икенчесе – татар журналистикасы тарихында якты эз калдырган шәхес, Татарстанның атказанган мәдәният хезмәткәре, республикабызның “Бәллүр каләм” журналистлар премиясе лауреаты Рина Баян кызы Зарипова. Ул бүген безнең арада юк инде, ләкин аның турында җылы истәлекләр яши. Аларны тапшыруыбызның икенче өлешендә яңартырбыз.
Иртәгә, 6 март көнне Татарстанның атказанган артисты Гүзәл Мөдәррис кызы Гарәпшина үзенең 55 яшьлек юбилеен билгеләп үтә. Шул уңайдан аның өчен икенче туган йортына әйләнгән К.Тинчурин исемендәге Татар Дәүләт драма һәм комедия театрында актриса хөрмәтенә “Син бит минем бер генәм” бенефис-спектакле була. Сәхнә остасы хезмәттәшләреннән, тамашачыларыннан, якташларыннан котлаулар кабул итәргә әзерләнгән бер вакытта, барысыннан да алдан үзебез котлап, юбилярга саулык-сәламәтлек, имин тормыш, яңа зур рольләр, тамашачылар мәхәббәте теләп, актриса белән журналист Нәсим Акмал әңгәмәсен тәкъдим итәбез.
Киләсе сәхифәбезне без “Күңел җылысын өләшкәндә” дип исемләдек. Ул күренекле журналист, тәрҗемәче, Татарстанның атказанган мәдәният хезмәткәре, республикабызның “Бәллүр каләм” премиясе лауреаты Рина Баян кызы Зарипованың якты истәлегенә багышлана. 12 нче март көнне аның тууына 80 ел тула.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=368886){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
