Татарстан дулкынында (28.01.21)

Әдәм баласы һәрвакыт алга карап, киләчәккә өметләр баглап яши – безне Ходай шулай яралткан. Әйтик, гыйнвар ае үтеп барган менә шушы вакытта без: “Аллага шөкер, язга бер генә ай калды!” — дип сөенеп йөрибез.

Ләкин әнә шул сөенечләр, шатлыклар арасында йөрәккә уелган яралар да була шул. Узган 2020 елда, мәсәлән, уйламаган-көтмәгән җирдән, арабыздан китеп барган якыннарыбыз, туганнарыбыз булды. Шулай ук бөтен милләт өчен, татар дөньясы өчен, сөекле кешеләребезне дә соңгы юлга озаттык. Аларның якты исемнәрен хәтердә яңартып, рухларына дога кылып тору безгә бурыч булып калды.

Бүген без, менә шушы бурычыбызны үтәп, моңлы җырчыбыз, Татарстанның халык артисты Хәмдүнә Тимергаливаны искә алырбыз.

Нашли опечатку? Выделите фрагмент и отправьте нажатием Ctrl+Enter