Татарстан дулкынында (07.01.21)

Моннан төгәл 120 ел элек халкыбызның газиз бер улы Гомәр Бәширов дөньяга килгән. Татарстанның халык язучысы, СССР дәүләт премиясе һәм Татарстанның Габдулла Тукай исемендәге дәүләт премиясе лауреаты Гомәр Бәширов кагылышлы язмаларның радиобыз фондында киштәсе бик тә саллы. Тыңлаучыларыбыз белә торгандыр, язучы 1941 елның октябрендә бронь белән вакытлыча тылда калдырыла һәм, Мирсәй Әмир, Гадел Кутуй, Газиз Иделле, Кави Нәҗми кебек берничә күренекле каләмдәше белән бергә, Татарстан радиосына эшкә билгеләнә. Сугыш елларында ук аның “Намус” романына нигезләнгән радиопостановка куела. Әнә шул вакытлардан бирле әдипнең радиога сукмагы беркайчан да суынмый.

Бүгенге көндә безнең фондта аның СССР Югары Советы депутаты, Татарстан язучылар берлеге рәисе буларак төрле җыелышлар вакытында ясаган  чыгышлары, радиога килеп катнашкан тапшырулары саклана. Әдәби әсәрләре арасыннан  “Бибек нигә елый?”, “И, нарасый бала”, “Кыл өстендә”, “Юл чатында” хикәяләренә нигезләнеп эшләнгән радиоспектакльләр һәм

Ә менә хәзер Гомәр Бәширов үзе әзерләгән һәм үзе үк алып та барган тагын бер язмага мөрәҗәгать итәрбез. Ул Халкыбызның сөекле җырчысы Рәшит Ваһапов иҗатына багышлана. Тапшыруны язучы “Моңнар остасы” дип исемләгән. Тапшыру җырчының вафатына 30 ел тулу уңаеннан 1992 елда әзерләнгән булган.

Нашли опечатку? Выделите фрагмент и отправьте нажатием Ctrl+Enter