Татарстан дулкынында (05.12.20)
Татарстан радиосында бөек татар композиторы Салих Сәйдәшев атналыгы дәвам итә. Бу көннәрдә мәшһүр композиторның иҗатына безнең эфирда шактый зур урын бирелде. Хәер, Сәйдәшев музыкасының безнең дулкыннарда тынып торганы юк. Бүгенге тапшыруда без кабат аның иҗатын барларбыз, Салих Сәйдәшевкә кагылышлы истәлекләрне хәтерләрдә яңартырбыз. Сөекле композиторыбызга багышлап төрле елларда күп китаплар, әсәрләр дөнья күрә. Әмма шулар арасыннан иң бай һәм тулы басма – “Җыен” фонды тарафыннан “Шәхесләребез” дигән сериядән 2017 елда басылып чыккан “Салих Сәйдәшев” дигән җыентык. Бүген игътибарыгызга әлеге саллы хезмәт чыгу уңае белән әзерләнгән тапшыруны кабатлап тыңларга тәкъдим итәбез. Анда сез китапны төзүчеләр белән очрашырсыз һәм Салих Сәйдәшев турында замандашлары теркәп калдырган истәлекләр тыңларсыз. Тапшыруны Идел Кыямов алып бара.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=351426){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
