Татарстан дулкынында (19.11.20)

Уйлштык та, бүген без сезнең игътибарга радиобыз фондында саклана торган гаҗәеп кызыклы бер язманы тәкъдим итәргә булдык. Аны еллар дәвамныда архив киштәләрендә тузан җыеп яткыру, тыңлаучыларыбыздан яшереп саклау, гомумән, гөнаһ булыр иде кебек тоелды безгә.

Узган гасырның 60 нчы – 80 нче елларында безнең радиода  “Иҗат портреты” дигән искиткеч кызыклы бер жанр яшәп килгән. Дөресен генә әйткәндә бу жанрга без үзебез дә әледән-әле мөрәҗәгать итәбез. Аны беркадәр заманчалаштырып, әлбәттә. Ләкин ул елларда радиода мондый тапшырулар аерым игътибар үзәгендә булган. Аларда каләм ияләренең, рәссамнарның, җырчыларның, театр актерларының иҗаты сәнгать белгечләре тарафыннан төрле яклап тикшерелгән, бу иҗатка бәя бирелгән.

Сезнең игътибарга хәзер тәкъдим ителәчәк язма да шундый тапшыруларның берсе. Ул 1970 еллар башында сәнгать белгече Ильтани Илялова тарафыннан данлыклы милләттәшебез, СССРның халык артисты Шәүкәт Биктимеров иҗатына багышап әзерләнгән булган. Менә шул истәлекле язманы тыңларбыз. Һәм, кадерле дуслар, шуңа да игътибар итәрсез, биредә шул чорның матбугатька тәләпләре, партияга дан җырлау галәмәтләре дә чагылып китәр. Ни хәл итмәк кирәк, заманасы шундый иде бит. Бу – безнең тарих. Ә тарихны үзгәртү, аннан ваз кичү мөмкин түгел. Без бу нәрсәләрне аңлап, аларга бүгенге көн күзлегеннән бәя биреп тыңларга тиешбездер. Тапшыруны тагын бер ягы белән кадерле, аны данлыклы диктор Камал Саттарова алып барган.

Нашли опечатку? Выделите фрагмент и отправьте нажатием Ctrl+Enter