Татарстан дулкынында (04.11.20)

Бүген – 4 ноябрь илебездә Халыклар бердәмлеге көне буларак билгеләп үтелә.  Әлеге көн – Россия дәүләтендә гомер кичерүче 190нан артык милләт вәкилләренең уртак бәйрәме. Бу бәйрәмнең тарихы ерак гасырларга барып тоташа. Халыклар бердәмлеге көне Ватаныбыз иминлеге өчен төрле дин, төрле милләт халыкларын берләштергән олы вакыйганың кайтавазы булып тора. Нәкъ менә бердәмлек, татулык тарих сынауларын җиңеп чыгарга мөмкинлек биргән.

Ватаныбызның хәзергесе һәм киләчәге өчен һәркайсыбыз җаваплы. Бер — беребезгә ярдәмләшеп яшәсәк, җәмгыяттәге вакыйгалардан читтә калмасак, бердәм булып янәшәбездәге башка халык вәкилләренә нинди диннән, нинди телдән аралашуларына карамыйча, аларның гореф-гадәтләрен, яшәешләрен ихтирам итсәк, киләчәк буыннарны халкыбызның үткәне белән даими таныштырып торсак, тарихыбызны онытмасак, безне көчле халык дияргә мөмкин. Аңлашып яшәсәк кенә тормышыбыз рухи һәм икътисади яктан алга китәр. Киләчәктә дә төрле милләт һәм дин вәкилләре арасындагы дуслык һәм татулык дәвамлы булсын иде.

Бүгенге тапшыруыбызда сезне шушы күркәм бәйрәм хөрмәтенә багышланган “Мәңгегә бергә” дип аталган әдәби-музыкаль композиция тыңларга чакырабыз. Без аны дуслык туганлык, бердәмлек турындагы шигырьләрдән һәм җырлардан төзедек.

Нашли опечатку? Выделите фрагмент и отправьте нажатием Ctrl+Enter