Татарстан дулкынында (02.11.20)

Кадерле дуслар, бүген без республиканың музыкаль тормышында якты нур булып калган бер вакыйганы хәтердә яңартырга булдык. Музыка сөюче тыңлаучыларыбыз әле дә хәтерлидер, 2017 елда Татарстан Республикасының филормония джаз орекстры “Зур концерт” дип исемләнгән яңа бер проект башлап җибәргән иде. Ул танылган татар җырчыларын шушы сәнгатькә җәлеп итү, джаз жанрын татар тыңлаучысына якынайту максаты белән оештырылган иде. Популяр җырчыларыбыз катнашындагы бу коцертлар ул вакытта Казаныбызда да, Мәскәүдә дә тамашачы мәхәббәтен яулады. Ә инде тагын бер елдан, 2018 елның февралендә, оркестр проектның икенче концертын тәкъдим иткән иде. Ул вакытта бу концерт халык тарафынна да, музыка белгечләре ягыннан да олы бер вакыйга буларак бәяләнде. Хәзер без сезне шушы тарихи концертның радиовариантын тыңларга чакырабыз. Ул Габдулла Тукай исемендәге татар дәүләт филормониясе концерт залында узды. Проектның җитәкчесе – Татарстанның халкык, Россия Федерациясенең атказанган артисты Лидия Әхмәтова, оркестрның дирижеры – Сергей Васильев. Кичәне Ирина Кибякова һәм Илшат Вәлиев алып бара.

Нашли опечатку? Выделите фрагмент и отправьте нажатием Ctrl+Enter