«Татарстан дулкынында». 7 октябрь.

Казан – татарларның кыйбласы дип, тикмәгә генә әйтмиләр шул. Халкыбыз кайда гына яшәмәсен, җаны, күңеле белән һәрчак башкалабызга тартыла. Чит төбәкләрдән килеп, үз туган теленең серләренә, сихри аһәңнәренә ныклап төшенеп, биредә тамашачының мәхәббәтен яулаган сәнгать ияләре дә шактый. Нәкъ менә шундый лачын кебек егетләребезнең берсе, озын буйлы, көчле тавышлы Ярамир Низаметдиновның бүген яратып, көтеп алган үз тамашачысы бар. Татарстанның халык артисты Фердинанд Сәлахов белән бергә җырлап, әле берничә ел элек кенә олы сәхнәгә аяк баскан бу егетне бик ерактан – Курган якларыннан килеп төпләнгән дип кем әйтер?! Кечкенәдән татар җырын, моңын ишетеп, үз туган телендә аралашып яшәү үзенекен иткән күрәсең. Егетебез моның белән генә чикләнеп калмыйча, бүгенге көндә үзенең осталыгын Россия күләмендә опера сәнгате өлкәсендә чарлауга керешкән. Хәзер ул – “Санкт-Петербург опера” театры солисты.

Яраткан җырчыбыз бүген, ничек, ни хәлләрдә яши, Казан, Татарстан тамашачысын онытып бетермәсме? Ярамир белән бүген әнә шулар хакында сөйләштек.

Нашли опечатку? Выделите фрагмент и отправьте нажатием Ctrl+Enter