“Татарстан дулкынында”. 1 октябрь.

Бөтендөнья музыка көне республикабызда зур вакыйга белән билгеләп үтеләчәк. 3 нче октябрь көнне көндезге 12 дә татар халкының легендар җырчысы, Россиянең һәм Татарстанның халык артисты, Габдулла Тукай исемендәге дәүләт премиясе лауреаты Илһам Гыйльметдин улы Шакиров истәлегенә мемореаль такта ачыла. Ул такта Казанның Николаев урамындагы 5 нче йорт диварына куелган. Җырчы бу йортта 1975 – 2005 елларда яшәде. Гомумән, бөек җырчыбызның исемен мәңгеләштерү юлыда шактый эшләр башкарыла . Әйтик, әле күптән түгел генә аның туган авылы Яңа Бүләктә җырчының бюсты ачылган иде. Аннана алдарак кына “Җыен” фонды “Илһамлы Илһам” дигән китап бастырып чыгарды. Форсаттан файдаланып, без хәзер менә шушы китап турында сөйләшербез.

Нашли опечатку? Выделите фрагмент и отправьте нажатием Ctrl+Enter