“Татарстан дулкынында”. 6 сентябрь.

Бүген тапшыруны кулга китап алган хәлдә башлап җибәрәбез. Шушы затлы китапны ачуга ук безне бөек Илһам Шакировның  һәм президентыбыз Рөстәм Миңнехановның бергә төшкән фоторосеме каршы ала. Һәм биредә Президентның “Илһамыбыз” дигән мәкаләсе урын алган. Мәкаләдән юллар:  “Татар халкының соңгы бер гасырдагы иң күренекле шәхесләрен атаганда без: шигърияттә Тукай, музыкада – Салих Сәйдәшев, сынлы сәнгатьтә – Урманче, җыр һәм моңда – Илһам, дибез. Шундый бөек шәхесләрне тудырган халыкнгың киләчәге якты, рухы һәрчак Илһамлы булыр дип ышанабыз”.

Президент Рөстәм Миңнехановның менә шундый сүзләре белән ачылып киткән әлеге китапның исеме – “Илаһи Илһам”. Аңлап алгансыздыр, китапның баш каһарманы, әлбәттә инде, Илһам Шакиров. Бүгенге тапшыруыбыз яңа китапны котлап оештырыла, китап туе дисәк тә буладыр. Һәм бу туйның түр башына китапның баш мөхәррире, Татарстанның халык шагыйре, җәмәгать эшлеклесе Разил Вәлиев.

Нашли опечатку? Выделите фрагмент и отправьте нажатием Ctrl+Enter