«Яшьлек аланы». 2 сентябрь.

Иртәгә, Г.Кариев исемендәге Казан татар дәүләт яшь тамашачылар театры яңа премьера карарга чакыра. Ул бу театрда эшләп киткән талантлы артист, әле алай гына да түгел драматург һәм режиссерлык сәләте булган Фәнәвил Галиев пьесасы буенча куелган “Корт” спектакле премьерасы. Аны театрның баш режиссеры Ренат Әюпов сәхнәләштергән. Спектакль — фәлсәфи комедия. Анда милләт язмышы, кешенең эчендәге һәм күңелендәге “корт”ы турында сүз бара.

Инде театрда булачак киләсе премьералар да билгеле. Мәсәлән, октябрь аенда Мостай Кәримнең “Озын-озак балачак” әсәренә нигезләнгән спектакль премьерасы көтелә. Аны башкортстан режиссеры Илсур Казакбаев сәхнәләштерә һәм бүген ул безнең студия кунагы.