“Татарстан дулкынында”. 19 июль.

Без менә шушы көнебезне – 19 июльне — тарихи көн дип игълан итәргә тәкъдим итәбез. Чынан да, менә хәзер, шушы тапшыруда, тарихи бер вакыйга булачак. Аңлатыйк. Татарстанның халык шагыйре, республикабызның Габдулла Тукай исемендәге дәүләт премиясе лауреаты, Россия Федерациясе дәүләт премиясе лауреаты Ренат Харис Татарстан автономияле республикасының 100 еллыгын котлап яңа әсәр язды. “Татар аты” дигән яңа поэма. Һәм озак та үтми шушы әсәр рус, инглиз телләренә тәрҗемә ителеп китап булып басылып та чыкты. Ягъни бер әсәр бер китапта, өч телдә.

Һәм, хөрмәтле тыңлаучылар, шушы поэманы без хәзер эфирда ишетербез. Беренче тапкыр яңгыраячак, премьера булачак һәм аны язучы һәм галим, педагог, татарстан радиосының элеккеге дикторы, нәфис сүз остасы Фоат Галимуллин үзе укыячак. Димәк, без әсәрне чын, саф татар телендә, туган телебезнең эталон дип исәпләнерлек бер югарылыгында ишетәчәкбез.

Нашли опечатку? Выделите фрагмент и отправьте нажатием Ctrl+Enter