“Татарстан дулкынында”. 12 июль.

Бүген без Татарстан автономияле республикасы оешуга 100 ел тулу уңаеннан “ХХ гасыр сабаклары” дип исемләнгән сәхифәбезне дәвам иттерәбез. Автономия барлыкка килү алдыннан булган иң күренекле, тарихчылар күзлегеннән караганда, иң кызыклы вакыйгаларның берсе – халык теленә Болак арты Республикасы дип кергән бер күренешкә тукталырбыз. Бүген бездә кунакта шушы хәлләрне энәсеннән җебенә кадәр җентекләп өйрәнгән галимнәр академик Индус Таһиров, тарих фәннәре докторы Рәмзи Вәлиев.
Бөек Җиңүнең 75 еллыгына багышланган сәхифәдә языучы Рәфыйк Юнысның нәкъ менә шушы темага язылган “Татар батырмы?” дигән әсәреннән өзекне Тәлгать Хаматшин укый.
“Шаян дулкында” сәхифәсендә Рамил Һидиятулла Марс Ахуновның “Төртмәле афоризмнары” белән таныштыра, Ания Гыйбадуллина Айнур Камалова шигырьләрен тәкъдим итә.

Нашли опечатку? Выделите фрагмент и отправьте нажатием Ctrl+Enter