Татарстан дулкынында. 13 май.

“Сәхнәдә ялгыш кына бармагың селкенсә дә күренә. Үз-үзеңне тотышың, фикерләреңне җиткерү, җыр аша да, сүзләрең аша да ярылып ята. Шуңа да артист бөеклеген сәхнәдә күрсәтергә тиеш, чөнки сәхнә ул чак кына биегрәк. Ә тормышта мин гадилекне яратам,” – ди Татарстанның атказанган артисты Рөстәм Асаев. Чыннан да, көчле һәм шул ук вакытта куе йомшак тембрлы бәрхет тавышы, сәхнәдә үз-үзен тотышы, сөйкемлелеге белән дә күптән тамашачының йөрәген яулап өлгергән җырчыбыз әңгәмә вакытында да гадилеге, әмма шул ук вакытта эчке бер зыялылыгы белән дә гаҗәпләндерде. Аның белән аралашуы ук ничектер җиңел һәм рәхәт. Рөстәм Асаевның инде Казанга килеп төпләнеп китүенә дә 14 елдан артып киткән икән. Күпләрнең яраткан җырчысы бүген ничек, нинди уй-хыяллар белән яши, тормышында, иҗатында нинди яңалыклары бар? Бүген сүзебез әнә шул хакта барыр.

Нашли опечатку? Выделите фрагмент и отправьте нажатием Ctrl+Enter