“Татарстан дулкынында”. 3 май.

Гаҗәеп дәрәҗәдә олы бер датаны каршыларга җыенабыз — Татарстан автономияле республикасы оешуга йөз ел тула. Тагын берничә көннән Бөек Ватан сугышында җиңүнең 75 еллыгын да билгеләп үтәчәкбез. Ике зур вакыйга бер елга, бер үк айга туры килә.  Шушы олы бәйрәмнәрне каршылап, безнең радио инде бер ел дәвамында махсус тапшырулар, сәхифәләр алып барды. Без аларда Татарстанның үткән юлын яктыртабыз, республикабызның, татар халкының Бөек җиңүгә керткән өлешен бәян итәбез.  Менә бүген дә без легендар милләттәшебез, разведчик, партизаннар бригадасы  командиры Даян Мурзин турында сөйләячәкбез. Аның үз тавышын да ишетербез. Ә инде аның белән булган интервьюның язмасын безгә Чаллыдан журналист Рәис Зарипов алып килде.

Нашли опечатку? Выделите фрагмент и отправьте нажатием Ctrl+Enter