“Татарстан дулкынында”. 22 апрель.

Инде менә 80 ел дәвамында Татарстан Дәүләт җыр һәм бию ансамбле бар дөньяга татар милли сәнгатен пропагандалый. Ансамбль халкыбызның бөтен мәдәни, музыкаль, поэтик, хореографик, драматургик тормышын үзенә сыйдырган, дип тә әйтергә мөмкин. Дәүләт дәрәҗәсендә үткәрелә торган һәм башка әһәмиятле чаралар ансамбль катнашыннан башка узмый. Коллектив үз иҗатын гастрольләрдә йөреп күрсәтә. Шулай итеп алар халкыбызның сәнгатен, милли үзенчәлекләрен дөнья күләмендә таныта. 1937 елда оешкан ансамбльнең профессиональлеге бүген дә югары дәрәҗәдә. Беренчел максатлары халкыбыз мирасын саклап, тамашачыга җиткерү булса да, заман белән бергә атлый алар.

Бүгенге әңгәмәбез дә Татарстан Дәүләт җыр һәм бию ансамбленең яшь һәм өметле солисты, Татарстанның атказанган артисты Диләрә Палатова белән булыр.

Нашли опечатку? Выделите фрагмент и отправьте нажатием Ctrl+Enter