«Татарстан дулкынында». 15 апрель.

Бүгенге көндә шактый шигырьләре көйгә салынып, татар эстрадасын мәгънәле җырлар белән баеткан берничә яшь шагыйрәне беләбез. Алар арасында Эльвира Сафина исеме дә бар. Танылган журналист, редактор Эльмира Закирова аның хакында: “Эльвираны шигырьләреннән эзләргә кирәк. Бөтен күңел байлыгы – хис-кичерешләр, зирәклек, ихласлык, кешелеклек – шигырь юлларыннан җылы сүз булып ташып чыга да рәхәт бер дулкында тибрәтә…”, — дип яза.

Шагыйрә булудан тыш Эльвира Сафина әле галимә, филология фәннәре кандидаты да. Бүгенге көндә ул Татарстан Фәннәр академиясенең Галимҗан Ибраһимов исемендәге Тел, әдәбият һәм сәнгать институтының өлкән фәнни хезмәткәре. Димәк, Эльвираны әдәби иҗатта да, фән юнәлешендә дә җиң сызганып эшләгән күпкырлы талант иясе, дияргә хакыбыз бар. Төрле кызыклы чараларда, концертларда, тел, милләт, иҗат белән бәйле кичәләрдә дә еш очратам аны. Бүген без Эльвира белән боларның барысы хакында да тәфсилләп сөйләшербез, шигырьләр дә тыңларбыз.

Нашли опечатку? Выделите фрагмент и отправьте нажатием Ctrl+Enter