“Татарстан дулкынында”. 8 апрель.

Иҗат кешеләре һәр язны аеруча зур дулкынлану белән каршы ала. Ә инде Яз һәм Тукай сүзләре гел янәшә йөри торгандыр. Бөек шагыйребез туган айда тапшыруларыбызда республикабызның Г.Тукай исемендәге дәүләт бүләгенә кандидатлар турында сөйлибез. Быелгы кандидатлар арасында татар әдәбияты һәм сәнгате үсешенә зур өлеш керткән, гомерләрен иҗатка багышлаган, лаеклы шәхесләребез байтак. Алар белән очрашуларны дәвам итеп, бүген студиябезгә республикабыз вәкилләренең сугыш кырларында яисә тылдагы батырлыклары турында бәян итүче эзтабар-язучы, шагыйрь,  Татарстанның атказанган мәдәният хезмәткәре, Россия хәрби тарих фәннәре академиясе академигы, Россия Федерациясенең Ломоносов исемендәге премия лауреаты – Шаһинур Мостафинны чакырдык. Ул әлеге Г.Тукай исемендәге бүләккә «Ядрәләрне эреткән йорәкләр», «Алар – Жәлил – Кормаш йолдызлыгыннан!..», «Батырлык кайтавазы» китаплар триптихы өчен тәкъдим ителде.

Нашли опечатку? Выделите фрагмент и отправьте нажатием Ctrl+Enter