“Яшьлек аланы”. 25 март.

Безнең янда студиядә бүген талантлы кунак бар. Ул К.Тинчурин ис. Татар Дәүләт драма һәм комедия театрының өметле актеры Зөлфәт Закиров. Тамашачылар аны Кәрим Тинчуринның “Сүнгән йолдызлар” спектаклендә Надир мәхдүм, Шәриф Хөсәеновның “Чулпан” спектаклендә Өмет, Туфан Миңнуллинның “Ак тәүбә, кара тәүбә. Безнең көннәр” спектаклендә Заһир, Хәй Вахитның “Яшерен эзләрендә” – Борһан Хуҗин, Әмирхан Еникинең “Гөләндәм туташ хатирәсе”ндә Салих, Тинчурин театрының соңгы премьераларыннан булган Аяз Гыйләҗевнең “Өч аршин җир” спектаклендә яшь Мирвәли, Луиза Янсуар һәм Резеда Гарипованың “Карурман: язылмаган дастан” спектаклендә Ялчын рольләре аша белә. Зөлфәт Закиров театрның әйдәп баручы актерларының берсе. Бүгенге тапшыруда без аның сәхнәгә килү юлында очраган каршылыкларны ничек итеп җиңүе турында сөйләшәчәкбез. Тапшыруыбыздагы ата һәм ул арасындагы мөнәсәбәтләр гайбәт буларак түгел, ә гыйбрәт буларак сөйләнде, чөнки мондый каршылыклы хәлләр һәр гаиләдә​ була ала.

Нашли опечатку? Выделите фрагмент и отправьте нажатием Ctrl+Enter