“Татарстан дулкынында”. 19 февраль.

Каләм ияләребез арасында үзләре туып-үскән, яшәгән туфраккка кендекләре белән бәйләнгән, шул туфрактан илһам алып иҗат иткән шәхесләребез бар. Әйтик, Сарман диюгә, безнең күз алдына Дамир Гарифуллин килеп баса, Мөслим турында ишетүгә олуг язучыбыз Фоат Садриевны уйлап куябыз, Мамадыш – Рафаэль Газизовны хәтердә яңарта һәм башкалар һәм башкалар. Буа ягы дисәләр, шул мизгелдә Гөлнур Айзатны уйлап куябыз. Шагыйрә һәм прозаик, җырлар авторы. Бик күп җырларының көен дә, шигырен дә ул үзе иҗат иткән…

Гөлнур Айзат – укытучы, гомерен сабыйлар күңелендә туган телгә мәхәббәт тәрбияләүгә багышлаган кеше. Саҗидә Сөләйманова, Гөлчәчәк Галиева, Клара Булатова, Эльмира Шәрифуллина кебек мөгаллимә-әдибәләрнең традициясен дәвам иттерүче каләм иясе.

Бүген аның күркәм юбилее. Һәм без шушы истәлекле көндә аны студиябезгә кунакка дәштек.

Нашли опечатку? Выделите фрагмент и отправьте нажатием Ctrl+Enter