“Татарстан дулкынында”. 16 февраль.

Хәзер безне янә бер кат Илһам Шакиров иҗаты белән очрашу көтә. Татарстан радиосы фондында ул башкарган йөзләрчә җырлар, ул катнашкан дистәләрчә тапшырулар саклана. Бөек җырчыбыз бакыйлыкка күчкәч, аны юксынып, шул язмаларны тыңлап утырабыз да, гаҗәпкә, таңга калабыз. Баксаң, кабатланмас моң иясе генә түгел, тирән фикер иясе дә булган булган икән Илһам Шакиров.

Менә бүген без аның төрле елларда, төрле тапшыруларда әйткән фикерләрен, төрле вакыйгаларга карата белдергән мөнәсәбәтен бер урынга туплап бирергә булдык. Ул аларны радио журналистлары Мидхәт Миншин, Сиринә Латыйпова һәм башка авторларыбыз әзерләгән тапшыруларда, интервьюларда әйткән булган. Шунысы да кызыклы: төрле язмалардан җыеп алып, бер урынга тупланган бу чыгышларны бер җепкә тезеп тыңлаганда тулы бер дәрес хасил була. Бу – Илһам Шакировның милли тормышыбызга, әдәбият сәнгать өлкәсенә, тормыш-көнкүрешебезгә кагылышлы дәресе.

Нашли опечатку? Выделите фрагмент и отправьте нажатием Ctrl+Enter