“Татарстан дулкынында”. 19 гыйнвар.

Әле күптән түгел генә безгә чын мәгънәсендәге эзтабарлык эше белән шөгыльләнергә туры килде. Моның сәбәпчесе – Ирек Закиров. Ул инде сезгә мәгълүм шәхес. “Татагропромстрой” акционерлык җәмгыятенең генераль директоры, республикабызда да, Россия күләмендә дә танылган төзүче, Татарстанның Иҗтимагый палатасы әгъзасы һәм менә шул күпкырлы эшчәнлеге белән беррәттән ул Буа якташлык җәмгыятенең президенты да. Бүген сүзебез Ирек Мөнир улының якташларының язмышын ачыклау юнәлешендәге бер эше турында булыр. Аңлатып китик.  ХХ гасыр башында Туйгөле авылында Фәтхелислам һәм аннан соң Шакир исемле дин әһелләре имам булып торалар. Тирә-якта абруйлы муллалар булалар. 20 нче елларда Шакир мулла репрессиягә эләгә. Шуннан соңгы язмышы озак еллар билгеле булмый. Ирек Мөнир улы менә шуны ачыклауга керешә һәм шактый гына мәгълүмат табуга ирешә. Әнә шундый бер вакытта ул Туйгөлде авылында гомер итүче 89 яшьлек Сөләйман ага Сафинның кызыклы хатирәләре булуын ишетеп ала. Һәм яңа ел яллары көннәрендә аның белән күрешергә юлга җыена. Сәфәргә безне дә ияртте. Бүген без игътибарыгызга менә шушы очрашуда алынган язманы тәкъдим итәрбез.

Нашли опечатку? Выделите фрагмент и отправьте нажатием Ctrl+Enter