«Татарстан дулкынында». 17 гыйнвар.

“Эх, яшисе иде матур итеп!”. Бүген игътибарыгызга шулай дип исемләнгән әдәби-музыкаль композиция тәкъдим итәбез. Без аны Балык Бистәсендә яшәп иҗат итүче шагыйрь, Татарстанның атказанган мәдәният хезмәткәре Вазыйх Фатыйхов шигырьләреннән һәм аның шигырьләренә иҗат ителгән җырлардан төзедек. Шигырьләрне автор үзе укый. Бу көннәрдә Вазыйх Фатыйхов туган көнен билгеләп үтә. Ул 1958 елның 15 гыйнварында Балык Бистәсе районы Югары Тегермәнлек авылында дөньяга килә. Соңгы вакытта шагыйрь тормышы күңелле вакыйгаларга бай. Яңа гына «Халкым хәтереннән кайтаваз» һәм  «Соңарган хатым» дип исемләнгән өр-яңа китаплары басылып чыкты. Бу көннәрдә аларны тәкъдим итү кичәләре уза. Әле бу турыда киләсе тапшыруларда шагыйрьнең үзе белән әңгәмәләр корырбыз, сезгә дә яңа китапларны тәкъдим итәрбез. Ә хәзер исә шагыйрьнең үзе укуында шигырьләр һәм аның шигырьләренә язган җырлар тыңлыйбыз.

Нашли опечатку? Выделите фрагмент и отправьте нажатием Ctrl+Enter